صبآآآآح المدآآآآرس
مسآكين اللي عندهم مدارس ...
واللي ورآآآهم مدارس ...
واللي بيطلعون الصبح مع الزحمآآت
والعآلم (طآط طيط وخر يآخي ...يآغشيم ماتشوف ...وصوت تفحيط
وهذا يلف عليك
وهذاك مشّخص ويحسب نفسه معزوم ع عرس
وهذاك حالته حآله ...وفي فمه زقآره كوبيه تحتوي ع قطران 2000 نيكوتين 3000 اول اكسيد المنجنيق سبع طعشر ألف
وذآآآك جالس يسوق ويشرب شاهي و يعض سآندوتش بيض نص استوا
وهذاك يطحن بين اسنانه فلافل ريحتهآ بمجرد مرور المركبه من امامك تشمهآ
( ع طاري المركبه اتذكر هذاك الضابط ابو شراره اللي في اذاعة mbc fm
كل صبح ولله الحمد إلى الآن حصل ثلاثمية حادث تم مباشرة ثلاث منها والباقين لاحقين خير )
وهذاك يشخص في المرآيه وهو يمشي ميه وثمانين ...
وفلان من النآس (مسوي حبّيب ) يرضع في الصبحيه مع صديقته وهو مايدري انهآ من الخرطوم (عاصمة الحوب ) وهو مشغل لها فيروز لآخر صوت حبيتك تنسيت النوم
يعني عآلم رايحه جايه
وانت لاتملك في يدك سوى جريده (عشان تشوف اسمك طلع مع حقين البعثآت ولا سقط سهواً )
.تقرآ قدام بيتكم وتأشر بيدك الكريمه للورعآن مسوي (ماما فوزيه ) هذيك الكويتيه ام الاطفال الفاضيه ..
وتسئل نفسك اسئله سخيفه جداً وتدل ع حنينك للماضي الأقشر ..
لماذا ..لماذا لا أُداوم مع هالبزران ؟
او لماذا لا يحطون فصل للسوالف ...للناس القديمين ويجبيون لهم مدرسينهم ؟
اللي مات الله يرحمه واللي مازال ع قيد الحياه يدقون عليه ويقولون له تعال المدرسه بسرعه (لأنه صار عاطل ) فيه فصل حق شيبان من جمهورك القديم
تعالوا وسولفوا ولا تحضرون التمارين الصباحيه ع طول ادخلوا الصف وسولفوا ثلاث حصص ثم امشوا
او لماذا لا اصير مدرس في حصة انتظآر ؟...
او ابيع لهم في المقصف؟ ....
او يكذبون عليهم الإداره ويقولون جايكم اليوم موجه
من وزارة التربيه والتعليم وحاب يوزع عليكم حلاو بقر
حيوه ياشباب ...< داخل مسرحيه
وادخل انا وكلي كبرياء ولابس سروال اطول من ثوبي
وشماغ عراقيه وفي مخباي اللي فوق قلم سبوره اسود وآصل لخشمي ...
ومعي دفتر اخضر السلام عليكم دار قوم مؤمنين
كيف اصبحتوا وهل افلحتوا اكيد افلحتوا لأنكم طول الاجازه تسدحتوا ...
....
بس المشكله السنه ذي غير ...مع (انفلونزآ الخنآزير غير =جده غير )
يعني انا متضامن معكم ....
اولاً متضامن بعيداً عن المرض احب اطلع الصبحيه
واقز في العآلم ( واشوف بنت صغيره لابسه مريول وآضح انها مطلعته امس من عند الخياطه
و حآطه خدهآ ع قزازة السياره وتأشر من بعيد ) <مسوي في بيروت انت ووجهك
يعني متضامن مع حقين المدارس ...
يمكن لأني اتذكر ايام الدراسه ع زمآنآ وكيف كآنت بريئه وحلوه
يعني كنآ نسوي جرايم قتل
واختطاف مدرسين
وحريق في وسط المدرسه (مثل يونس شلبي ايييه اييه ابويه اتحرق اتحرق )
ايام يوم اتذكرهآ تهل العين العباير < تعرفونها ذي
يآآآآآآه ايام ع قولة علي بن محمد ...ونخبي علبة الدخان قصدي علبة الطبشور ...
[فقط العضوات المسجلين والمفعلين يمكنهم رؤية الوصلات . إضغط هنا للتسجيل]
اخي الطالب اختي الطالبه نصائح وارشادات سوف تساعدك بإذن الله ع رهبة الايام الأولى (الرهاب الاجتماعي )
1- بالنسبه لمرض انفلونزا الخنازير (الله يكرمكم )..حاول تاخذ معك معقمات وكذا ...
و أول ماتجلس ع كرسيك دهن اللي جمبك
ودهن نفسك من رآسك حتى اخمص قدميك
2- لا تتحرش كثيراً في خلق الله ...فلربمآ اخذت لك عطستن من شخص
تودي بحياتك وبعدين يقولون عنك الناس مات موتت رخمه
3- اسمع كلام المدرس واذا ماودك لا تسمعه اسمع ابو نوره ...
لكن اهم شي لا تسلم عليه
4- اثناء الصرفه او الفسحه ..اجلس بعيداً في زاويه قطرهآ خمسين كيلو متر مربع
5- عند انتظارك لاخوياك او السواق او من كان يكون المهم شخص جايك بعد المدرسه ..
اشغل نفسك بأي شي سو نفسك تحل الواجب
اللي عطاك اياه المدرس اليوم لكن لا تسولف مع شخص غريب
6- لا قالوا لك فيه لقاح وكذا تعالوا عشان تتطعمون ...قل للي يبي يطعمك
(اكيد مصري اقرع زي اللي مع عادل امام في الافلام القديمه
اللي يلبس فنيله مخططه )
قلهم انا اطالب بحقي الشرعي في هالقضيه ..واطالب اولاً بتجربة هذا اللقاح ع هالفيران
اللي ماليه البلد ( اللي عطها سنه بس وتصير تمشي زي الاوادم من كبرهآ ...اتوقع الفيران هالايام لو تلبس نظاره شمسيه بس صدقني تحسبها جاركم ويمكن تعزمه بعد )
7-كول جيداً (موب كووول ) اوكل ههههه ...أوكل جيداً ونم جيداً واضحك جيداً
عشان تبين للناس انك اقوى واحد في العالم وانك موب خآيف ..
.وهذا الشي سيكون له مردود ايجابي ع صحتك و ع مرضك
8- اضحك في وجه المدير ولاّ في وجه الحقير ...
لأنهآ ماراح تفرق كثير ..المرض مايعرف هذا مدير ولا حقير < يقلد عبدالرحمن بن مساعد
9- استخدم لغة الاشاره (من يومني صغير وانا اطالب بتدريسهآ في المناهج واحد نصاب هههه لأن هذا وقتها)
10- روحوا ناموا {يومياً بتسمع هالجمله }...عشان كذا أعّودك عليها من ألحين

استرآآآآحه ألف ع ـــآم مشغولين شويآت ..