غريبه حيل هالدنيا تفرقنا بدون شعور
ولاترحم ولا تعطف ولاتقدر محبتنا


صحيح ان الزمن غدار وايام الزمن تدور
وصحيح ان الوداع صعب وهو أعظم مصيبتنا




توادعنا وتفرقنا ومشينا وسط ذاك السور
جميله سنينا كانت سعادتنا وشقاوتنا



احد بينسى هذاك الصوت المعروف والمشهور
يصبحنا مع الطابور واحنا نزيد بكلمتنا




وعشان نعصي كنا بآخر الطابور
ونتفلسف ونقهرهم ونجاوبهم بضحكتنا




وتبدأ الحصه الاولى ويجينا المدرس المغرور
نحاول نحرق اعصابه بما تحمله خبرتنا




ويجينا الثاني بوجه مبتسم ومسرور
ونقلب ضحكته هم وهذي هي طبيعتنا




ننسى المدرس والحصه نشارك ننصب المجرور
نزيد الطين بله ونتعيبط في اجابتنا


نسولف بأول الحصه نكتب والقلم مكسور
نُمّوه للمدرس مادرى وش هي اجابتنا


نشاغب نزعج ونضحك ولكن قلبنا عصفور
نسامح غلطة الثاني بكل خاطر براءتنا




...
...
...
...



تحياتي يا أيام الدراسة واغفرلي المستور
كتمنا او تكلمنا عن الموجود بساحتنا


صديقاتي يوفقكم آلهي الواحد المشكور
اذا ضاقت الدنيا تساعدنا مصيبتنا



صديقاتي هذيك أيام راحت وسنين وشهور
فمان الله ولا تنسون صحبتنا واخوتنا


اهداء الى كل صديقاتي الي قضيت وياهم احلى اوقاتي
يحفظكم ربي وين مارحتوا كلها كم شهر ونودع بعض
راح افقدكم حيييييييييل
تحياتي
غـــــــــربة الــــــروح