سلااام اخباركم؟؟


بختصار هذا موضوع يوصف المكالمات بين الشباب والبنات بصوره شوي فكاهيه...


----------------------------------------------------- المكالمة..
ملكع: الوه

البنت:الوه

ملكع : السلام عليكم

البنت:عليكم السلام

ملكع: ممكن نتعرف

البنت: طوووط طووووط طوووط

----------------------------------------------------المحاوله الثانية...
ملكع: معليش انقطع الخط (يرقع لنفسه)

البنت: لا انا قفلت بوجهك (وقحه)

ملكع : افا ليه؟؟

البنت: اخلص وش تبي ولا ناديت اخوي يكلمك!

ملكع: لو ابي اخوك كان دقيت على جواله؟؟(على نياته)

البنت: خيييييير تعرفني اعرفك ؟

ملكع: لا مابعد (بدت اللكاعه)

البنت:كيف يعني؟

ملكع : انا اسمي ملكع ومن هواياتي السباحه وجمع الطوابع (طبعاً هذي هوايات كل سعودي)

البنت: بشر امك (قشرى)

ملكع: امك اقرب (اسلوب بزران)

البنت: اقول اقلب وجهك لادام النفس طيبه.

ملكع : اقول الظاهر لو سولفت مع اخوك انه اصرف منك انتي وصوتك الي تقولين واحد توه بالغ.

البنت : طوووط طوووط طوووط

ملكع: احسن (مقهور)

-------------------------------------------------- بعد يومين...
ملكع يرسل رساله لطلب الحرش وفي مضمونها:-

البنت كائن...

يدعي الذكاء وهو من جنبها.

يدعي القوه وهو يسمع بها.

يدعي السيطره وهو بدرررررررري عليه.

رد البنت: كل تبن

بالشكل هذا لقينا سبب ندق عليها .
-------------------------------------------المحاوله الثالثه...
ملكع: وش الافاظ هذي؟

البنت:والمطلووب؟

ملكع: اعتذار... وتعترفين بحبك لي (ماعنده وقت)

البنت: اقول مافي جوالك العاب انت؟ (يعني دور شي يقلب وجهك عني)

ملكع : ترا اكلمك من جوال مو من بليستيشن! (مايدري ان في الجوال العاب)

البنت: انا الشرهه علي الي معطيتك وجه لين الحين.

ملكع: وووووووع من زين الوجه تكفين يا توم كرووز (يسمع بالتشبيهات)

البنت: اقول بابا اهلك يدرون انك ماخذ الجوال (تذب على اسلوبه)

ملكع : اقول مدام حق انتي معلوم انتي فيه جوال (عطها وحده بين عيونها)

البنت: طوووط طوووط طوووط

ملكع: خخخخخخخخخ

-------------------------------------- اليوووم التالي...
ملكع: الوه

البنت: اللهم طولك يا روح

ملكع: لاتفرحين ترا مادقيت لسواد عيونك

البنت: وش تبي؟

ملكع: بشوف جوالي يرسل ولالا (هذا الي مايدري وش يقول)

البنت: هذا انت دريت..خلاص فكنا!

ملكع: دقيقه اجيب المفتاح.

البنت: ياااااااثقل دمـــــــي يا ناس

ملكع: مشكلتك (مايدري انها تقصده)

البنت: واخرتها؟

ملكع: اسمعي كل العيال عندهم صديقات الا انا ..ليه؟ والله اني مؤدب (واضح) وافرش اسناني واربط
حزام الامان لين جيت اسوق واصلي في المسجد بس ما اصلي في المسجد الي جنب بيتنا لاني متطاق مع عيال الامام (صريح يا حبي له ينرحم)

البنت:حتى صلاه الفجر؟ (بدت تعطيه وجه)

ملكع: اصلي الفجر بس احياناً مايمديني واصلي في البيت .. تقول امي معليش المهم انك ما تخليها
<---لايزال ينرحم

البنت: طيب شف.. قلي من وين جبت رقمي؟ (من جد ودها تعطيه وجه)

ملكع:بقولك بس لا تعلمين احد.

البنت: طيب

ملكع: لقيته مكتبو على ريال

البنت: من الي كاتبه؟

ملكع: وش دراني شايفتني مؤسسه النقد (يحسب مؤسسه النقد تعرف كلش عن الفلوس)

البنت: طيب ليه ما اعلم احد؟

ملكع: الريال الي عليه رقمك راسمين على صوره الملك نظارات..قمت وشققته.
<---يخاف من الحكومه

البنت: بالله!!! (تاخذه على قد عقله)

ملكع: طيب انتي وش اسمك؟

البنت:وش تتوقع

ملكع: مدري مانيب شاطر في هالامور.

البنت : حاااول

ملكع: وضحى

البنت: طوووط طوووط طوووط (تقول في نفسها انا الشرهه علي )

ملكع : الله ينعن شبكه هالاتصالات (مايدري انها قفلت بوجهه).
منقووول.
---------------------------------------------------------
تحياتي

يلا اي شي اسمه ردوود.