طلال الرشيد </B>
( رحمه الله عليه 
)
حبيبتي
حبيبتي كل العواذل تشابه
قلبٍ ظلام ووجه يشبه للأصحاب
ولا ما غدى لك صاحبٍ ينحكى به
لا تسمعي أن كان لك قلب وأحباب
إلى مشيت الدرب يلهث سرابه
وإلى سكنت الدار ناداني الباب
وشلون أنام وهم قلبي صوابه
والشوك ينبت بين جفنين وأهداب
تعبت امني .. الأسئلة بالاجابة
وانطر شروق الشمس والشمس بغياب
وتعبت أناظر والمعنى عذابه
أنك بعيده والملا دونك حجاب
اجمع كلام وما أعرف الإجابه
وعندي شعور صدق والوقت كذاب
كل النجوم اللي امطرت من سحابه
حبيبتي دمعك جرح قلب واتراب
واللي وقف ما بين بابي وبابه
قلبٍ ظلام .. ولابس ثوب الأصحاب
لا تلمس الجرح </B>
لا تلمس الجرح يا معود وصبح عـزوم
البرد فتق ضلوعي وانـت دوار صيـت
ضيعت عمري اطاول في حزومي رجوم
وايست اباقول كل الشعر في شطر بيت
لا الوقت وقتي ولا حلومي تطيع وتنـوم
ولا الركايب وحادي العيس ترضيه ليت
ذهايب الذود راحت مع ذواهيـب قـوم
لا صار لك الف قوماني فلك الف بيـت
ترى اصعب الموت موت يذبحك كل يوم
واصعب حياتك تعيش وانت جواك ميت
اواه يا طول عمري لا حسبـت الهمـوم
يا كني اكبر من الدنيـا ولا قـد شكيـت
علمك دهاني يا لاقي خير خـل العلـوم
اسرجت صفرا من همومي عليها حديت
واطلقت للبيد راحلتـي وفـوق النجـوم
راسي وانا كل راسي تيه فخر و هميت
واقـول للـي يبـي كرامتـي لا تهـوم
لا انته ولا الف مثلك يهدم اللـي بنيـت
ما قلت أحبك </B>
ماقلت أحبك وما قد قلت مـا أحبـك
أحب مالي عيوني وأنـت تسواهـا
لو تدري شكثر تعني لي تعرف أنـك
آخر أمل فـي حاتـي وأول مناهـا
ياكثر أحسن إن بك مني وبي منـك
روح وقسمها على شخصين مولاها
لا تقول شتحب فيني؟؟ أعشقك كلـك
من ليل شعرك لشمسك وآخر أقصاها
سميتني نصفـك الثانـي وياشحـك
أنا بسميـك كلّـي وأنـت معناهـا
تعبت أوديـك لـه ياقلـب ويـردك
لا خذا حلومي ولا خلانـي أنساهـا
كل الحمام استراح ونام فـي ظلـك
والورد الأصفر سقته الروح من ماها
ليتك بعمري ثلاث أشخاص ما أملـك
واحد معي دوم وواحد روحي يملاها
والثالث بجفن عينـي لافقـد حسـك
أو غمض الجفن جاني فيـك يتباهـا
مو بس أحبك.. أنا والله مـن حبـك
أحـب ثـرى الأرض اللـي تاطاهـا
مشتاق </B>
مشتاق
ومضنيني الفراق
يا عيونها خذي من عيوني تعب
واعطيني من جفنك فتور
وابكي علي لو بالكـــذب
مليت بك طبع الغرور
يا عيونها مشتاق
وللدمع مع جفني عناق
مشتاق
ومضنيني الفراق
يا اجمل الخود
كنت الامل وانتي الوعود
وهجرني من هجرتيني دفا بيتي
وانا فبرد الشتا موعود
ايا مسكين يا قلـبي
انا ماشي وهو يلتفت لك عود
ايا مسكينه يا روحي
تحب اللي يعذبها و يزيد صدود
وحشتيني .. كثر ما خانني هذا الزمن واكثر .. وحشتيني
احبك حب اكبر حيل من كلمة احبك
الإهداءات
مكتبه القصائد الصوتيه بدون موسيقى 
العرض العادي
