اول شي أبدا بالتعريف بنفسي
إسمي المستعار:الطفلة البريئة
عمري:18 سنه
بلدي:فلسطين سكان الاردن
قصتي أول مرة بحياتي اطرحها على النت او احد يقرأها قصة حقيقية بدأ وانا في سن 13 عااما كنت بنوته صغيره في بداية سن المراهقه ما كنت اتحدث الا مع صديقاتي المقربات في يوم اجت بنت جديده على صفي في المدرسه تعرفت عليها <<انا بطبيعتي اجتماعيه اتعرف على كثير ناس
تعرفت عليها وعرفتني على بنات جداد <<صديقاتها
حبيتهم وحبوني كانو هالبنات كتير لزيزين وامورين وحبيتهم وفعلا احلى صحبة في بدايه صحبتي معهم كانو يتعرفو على شباب <<عنا في الاردن الامور طبيعية جدا لو البنت تعرفت على شب عادي
بس انا ما كنت احب اطلع معهم ابدا في يوم من الايام
كنت مروحه من المجرسة المسا الساعه 5 او 6 المسا كان الجو ليل ومطر والشوارع مضوية شفت شب من بعيد عرفت انو ابن الجيران بس كانت احلى صدفه
بحياتي واحلى حب
كنت اضحك كتير وانا بالمدرسه كتير واتهبل بس بالبيت كان الجو عصبي ومتعصب بشكل اوضح فكان ابن الجيرا<< حبيبي
يخطر في بالي كتير لدرجه انو وصلت بالأحلام والحلم يتكرر انو انا عم بعطيه ورده وعم ببوسه من خده
يوم بعد يوم خطر في بالي أأشر بالإشارات انو انا بدي أحكي معاه المهم هو مل وما كان بدو أبدا لحد ما طق ومل <ههههههههههههههههه
في يوم كنت مروحه من المدرسه اجت بنت اخوه ترعفت عليها بس هيه اجت عل ىاساس تسالني شو بدك بالزبط من عمي حكتلها ولا شي
حكتلي تاخدي رقمو حكتلها لا
اجت بعد يومين وحكتلي هاد رقمو احكي معاه وازا ما حكيتي يا ريت ما تأشريلو مرة تانيه
حكيتلها اوك واخدت الرقم
كان اول مرة بدق قلبي بسرعه وكان احلى تغيير بحياتي من الجهل <هههه طبعا طفله جاهله
للجديه والصراحه
تعرفت عليه وفي بدايه الطريق ضليت يمكن شهر ما احكي معاه
بعد شهر حكيتو وترعفت عليه اكتر ولبسني حجاب وجلباب ومن هالشي انو لو ما بلبس ما احكي معاه
كبرت علاقتنا وكبرت همومنا كتيرررررررررررررر وكبرت وكبرت لحد ما وصل الموضوع للأهل اهلي زعلو اني بحكي مع شب غريب بس كان بنظري احلى انسان واجمل انسان وراح يضل للأبد
المهم قصتي كنت انضرب كتير من اهلي مشان اطلع من اجواء العصبية حبيت
.................................................. .ز
وفعلا احلى حب متل ما حكيت كبرت العلاقه كتير واطورت لطلعات وشوفات وجيات بس مو كتير طبعا يدوب
همه بالشغل كبر وصار بدو يطلع بره الاردن حتى يشتغل بالامارات اانا حسيت حالي ضايعه لانو بيسافر
وزعلت وتعبت كتير وصارت مشاكل كتير وحتى وهو بالامارات بس اول ما تعرفت عليه كنت اكذب عليه كتير لاني كنت خايفه منو بصراحه<<البنت صريحه كتير
المهم طلع للإمارات وضل سنه تقريبا لحد ما كون حالو
قبل ما بنزل على الاردن بشهرين
اجوني خطاب<<< كانو يجو ناس كتير بس ما كنت احكي
لما اجاني واحد اهلي صارو بدهم يغصبوني عليه <<< نزل من الامارات حبيبي لما عرف القصه بسرعه ترك الدنيا كلها وشغلو لانو خاف اروح منو
مع الضغوطات والهم انغصبت في النهايه
وخطبت واحد انا ما بدي اياه
ما كنت اطيقو اشوف العمى ولا اشوفو بس كنت متواصله مع حبيبي كتير
وكنت متل المجانين اجاكر واعمل حركات بايخه اصلا ما كان لازم اجيبلو سيرتو
المهم مرت 4 شهور من خطبتي وما كنت مرتاحه لاني ما بدي اياه اعمل مشاكل واعمل واعمل لحد ما اجا يوم وحكيتلو ما بدي اياك << لخطيبي
وتركنا بعض ولما هههههههههه تركتو حكيت لحبيبي ووزع حلويات كنافه<<< خخخخخخخخخخخ
بس والله كانت فرحتي لا توصف برجعتي
بس قصتي وعبرتي في هالقصه انو ولا بنت لو كانت بتحب تترك لا تترك ولا تاخد واحد تاني لانو ولا يمكن تنساه ولا يمكن تحب حد تاني
واهلك داريهم على أد ما بيفهمو وعلى أد ما بيستوعبو
بس حبيبي عمل كتيررررررررررررررر أشياء مشاني سافر وضحى كتير
ومتل ما حكيت في مواضيع تانيه 1% من الزواج عن حب ممكن ينجح ومعظم حالات الطلاق من قصص الحب واللي ما بيحب لا يحب أحسنلو بس الحب الو طعن خاص والو تغير كبير بحياتو
يلي بحب
انا هلأ بعد 6 سنين من حبي راح الستنى كمان 3 شهور لحد ما يطلبني حبيبي من اهلي
أدعولي بلييييييييييييييييييييييييييييز
يا ريت تدعولي انو يوفق حبيبي ... ويجمعنا في بيت واحد... وتطلع تأشيرتو للأمارات ... ويحنن قلب أهلي علي ويوافقو على خطبتي
أدعولي امانه
حبيت أطرح قصتي للمواضيع يلي شفتها في النقاش الجاد
الإهداءات
قصتي أنا مع الحب 
العرض العادي
