اليوم اتهاوشت مع وحدة من بنات الفصل .. يعني هي كانت مرررة صديقتي ..
مع اني ما اعتقد انها كذا .. السبب سخيف وبايخ صراحة ..
دحين انا جايبة اوتوجرافي معاي المدرسة وكان محطوط عالمكتب .. والابلة دخلت ..
طبعا هي صرخت علي دخلي الدفتر ..
الدفتر موباين انه اتجراف .. كانه دفتر اي مادة ثانية .. ولو شالت الدفتر هي وخبته بسرعة الابلة بتشك ..
وهي اساسا شكاكة زيادة عن اللزووم ..
المهم قلتلها يافلانة سيبيه انا دحين باشيلو .. راحت سحبتو مني واخذتو منها على طول وقلت لها :: خلاص قلت لك انا بادخلو ..
قلك انها زعلت مني ودحين ماتكلمني صاير لنا اسبوعين الا يوم ..
هذا موقف من بحر المواقف السخيفة واللي مالها داعي ..
بعد اجازة نص الترم الثاني سايرة مررررة ماتكلمني وتعاملني زي انسانة بلارووح ..
وقت ما تضحك بوجهي تضحك .. ولازم اعبرها .. واذا ماتبيني تسحب علي ولا كاني احس ..
هي تعرف ان اعصابي باردة وهذا الشي صحيح .. لكنها تنرفز حتى عديم الاحساس ..
غير كذا صايرة تتحكم فيني واذا لبيت رغبتي انا وتركت رغبتها تصرخ علي وكاني ولدها ابو سنتين .. ابد ما كاني اعرف مصلحتي ..
مثال :: احنا عندنا درجين في المدرسة ..فيه درج قريب من فصلنا يودي عالساحه الامامية مباشرة ..
والدرج الثاني يودي عالساحه الخلفية ..
فمرة واحنا طالعين انا نزلت من الدرج الاول .. قالت لي لاء ابغا انزل من ذاك الدرج .. قلت :: طيب انا ابغا انزل من هنا .. صرخت علي وقالت :: طيب روحي .. عساك ماترجعي .. !!!!!!!

المشكلة والداهيه العظمى اني ماسويت لها شي .. !!!
امس فكرت اني ارجع لها كل الهدايا والرسايل اللي معطتني هي .. (( طبعا الهديا بمناسبة اعياد ميلاد او تخرج او نجاح ...إلخ )) لا تستغربوا البنت معاي من المتوسط ..
بس قلت لاء حرام الشي اللي صار بينا مو قوي لها الدرجة .. ومهما صار لا تزال انسانه باحاسيس ومشاعر ..
واليوم في الحصة الخامسة تناديني وحدة من البنات وتقولي هذي الاشياء من فلانة ..
اتاريها معطتني كووووووووووووووووول شي ..
ابتسمت .. والبنت اللي قدامي انصعقت .. اتوقعت اني بازعل وانجرح ..
لكني بالاصل اكتشفت مدى نذالة تفكيرها ..
انا مشهورة عند الكل اني نذلة دام اصلي مطيري ..
بس هي وش عذرها غير انو النذالة تمشي بدمها .. وانا اعرف انها نذلة .. وكنت متوقعة منها هالحركة .. بس استنيتها تسويها قبلي عشان يكون لي عذر ارد لها اشياءها ..
وطبعا اعطتني ورقة مع هالاشياء كاتبة فيها شعر انو انتي الخسرانة مو انا .. (( طبعا هذي الزبدة ))
كتبت لها ورقة وحطيتها مع اشياءها اللي بارجعها لها ::
(( يسرني اني وصلت معلك لنهاية المطاف .. وشكرا على كل حاجة سويتيلي هي .. بشاير ))
والسلام على من اتبع الهدى ..
والله لو اتكلم عنها ما خلصت ..
بس ما ابغا اخذ ذنوب فناس مايستاهلو .. !!