1ـ ماهو اكثر قسم تنسجمين معه وتابعين كل جديد به؟؟
ماأكذب عليتس كلها
2ـ من العضوه اللي تعجبتس مواضيعها؟؟
شقيقتي مس موري طبعاً بسم الله عليها مواضيعها زينه مقارنه بعمرها
3ـ من العضوات اللي تناسبهم ذا الالقاب؟؟ لالالالالالا جواب منعاً للفتنه
- عضوه حبوبه
- عضوه طيوبه
- انسانه روعه
- توقيعها حلو
- رومنسيه
- صريحه
- تحسينها تفهمتس
- تتمنين تشوفينها
- ودتس تطردينها<<هع
- مضحكه
- هاديه
- ممله
- تحبينها
3ـ قصه طريفه مريتي فيهاا؟؟
أبوي جاب مقاضي للمطبخ ومن ضمنها البيض المهم الشغاله حطت البيض في مكانه في الثلاجه اللي تعرفينه زاد 7 حبات من البيض ماله مكان وش سوت الخبله الشغاله راحت بترمي البيض الزايد في الزباله اشوى لحقت عليها قلت ليش تكبينه قالت مافيه مكان >>>>>> غبيه فيه رف تحت رف البيض تقدر تحطه فيه
4ـ هل انتي متعصبه رياضيه؟ ناديتس المفضل؟؟
لالالالالالالالالا ما اتابع كوره
5ـ فنانه مفضله عندتس؟؟

ما اتابع لافن ولا فنانين

6ـ بيت شعر اواغنيه تحبين ترددينها دايم؟؟

ما اسمع أغاني وبيت الشعر
ياضايق الصدر بالله وسع الخاطر دنياك يازين ماتستاهل الضيقه

7ـ اسدحي بطاقتس الشخصيه فيذا؟؟
وش أقول عمري 25 و8شهور جامعيه من الرياض
8ـ شي ودك تتعلمينه بس ماقدرتي؟؟
ابدع في الكمبيوتر لأني داجه فيه
9ـ من الشخص اللي غير امتس وابوتس تنفيذ طلباته؟؟
احياناً انفذ طلبات شقيقي الكبير
10ـ وش موقفتس يوم دخلتي المنتدى وشفتي اسمتس في كرسي الاعتراف؟؟
قلت جعلها ماتعرس اللي حطت اسمي >>>> امزح
اتخضيت حبتين
مالي خلق اكتب