السلام عليكم ورحمة الله وبركاته


صفيت لك كل الاحاسيس طابور
وسالتهم معزتك وش سببها
قالوا حبيبك مايجي منه قصور
وعشرتك محظوظ منهو كسبها
هذا اللي خلى معزتك دستور
مثبته مر الزمن ما سلبها

*****************
يا عيون الكون لا تضايقت قلي
عشان احس بضيقتك واتضايق
يكفي تلمح لي وانا اجيك كلي
اضيق من شانك ولو كنت رايق
احنا اتفقنا نشكي لبعض ياللي
تخفي بضحكة عيونك حقايق

**************
ليت الرسايل كلها ورد وزهور
تنثر على شاشة جهازك سلامي
وتحب لي خشمك وراسك على الفور
وتوصلك كل الغلا والهيامي
وتقول لك يا الله عسى دربك سرور
والمعذرة كان قصرت بكلامي

*****************
اطيب قلوب الخلق ساكن بجوفك
وشلون ما احبك وهذي سواياك
شلون ما اهديك قلبي بكفوفك
يا قلب قلبي قلي وش حياتي بلياك

******************
يا صاحبي يا سنافي وشهي علومك؟
ماعاد جانا اتصال ولا تراسلنا
اما انت مشغول ولا كاثر نومك
والا يا كافي حصل لك صده منا

****************
ياشوق تكفى لا تخليه يرتاح
يا شوق تكفى داعبه في غيابي
خله يحس اني معه وين ماراح
خله يحس وشلون لذه عذابي
عطر الفراق اللي مع غيبته فاح
عطر به جرحي وباقي ثيابي

****************
انا رفيق الجرح من صغر سني
جرح له بداخلي الف عنوان
يا سيدي هم البشر صار مني
واصبحت انا تمثال لهموم الانسان
كل الوجيه تشابهت حد ظني
ما عدت اميز بين صادق وخوان
ياصاحبي لا تنشد الجرح عني
كل السوالف كذب وحزن و حرمان

********************
ماعاد لي قلب ضلوعي تضمه
وش كثر راح من الشقا؟؟؟!!!!
وش بقى كم؟؟؟؟!!!!!!!!
اللي رضع من ثدي الايام همه
يموت قلبه ما تعافى من الهم
ياليت لي جرح وينشاف دمه
مير البلى من جرح ماسال له دم!!!!!!!!؟؟

**********************

مهما يطول الحب مابين خلان
بكره يموت ويصبح الحب ذكرى
عرفت ليه اضحك اذا قلت ولهان
في داخليابكي عشان بكره

*******************
يا معذبي ماعاد لك في حاجه
ماني ع خبرك سواليف ومزوح
جرح مع الايام تلقى علاجه
وبعض الجروح اعلاجها نزعه الروح

*******************
ماكل من شفته انادي غالي
ما كل واحد ودي اقعدبجمبه
ارتحت له من يوم شفته قبالي
لان الحياة بدون شوفته صعبه

****************************

اتمنى انها تنال ع اعجابكم وحسن رضاكم